Chegaron as vacacións de Nadal pero antes houbo moitas actividades no cole nas que o pasamos xenial.
Cada nivel preparou unha panxoliña que logo tería que
cantarlla a outras compañeiras e compañeiros. Nós cantamos “Din Don Dan” empregando
instrumentos musicais a 4º de EP, logo tocoulle a elas e eles cantarnos a súa
panxoliña. Estabamos un pouco nerviosas e nerviosos pero o fixemos moi ben.
Tamén grazas á vosa colaboración decoramos a porta da aula cos vosos corazóns que fixéchedes coas vosas fillas e fillos. Moitas grazas!!!
Por fin chegou o derradeiro día que tanto esperabamos.Comezamos coa chocolatada e a rosca que estaban boísimas. Algunha e algún non paraba de comer!!
Logo visitounos o Apalpador en compañía do combo que o fixo xenial!!! Veu cargado con agasallos para nós e algunha doulle un debuxo que trouxo preparado da súa casa. Gustáronlle moitísimo!
E ... rematamos coas 12 badaladas. Todas e todos conseguimos tomar os 12 petiscos!!
Agora sí, xa podemos gozar das vacacións de nadal e vémonos no 2026.
Felices festas!!
No hay comentarios:
Publicar un comentario