ACOSO É CANDO DE MANEIRA REPETIDA FAISE DANO A OUTRA PERSOA TANTO DE PALABRA COMO DE ACCIÓN. ISO FAINOS SENTIR MAL E TER MEDO. NON CALES, CÓNTALLO A UN ADULTO.
TAMÉN CÓNTALLE A UN ADULTO CANDO VES UNHA SITUACIÓN DE ACOSO. PODES AXUDAR!!
HOXE NO XIMNASIO DESPOIS DO RECREO XUNTÁMONOS TODO O ALUMNADO DO COLE PARA CANTAR AS NOSAS CANTIGAS POR NIVEIS. NÓS CANTAMOS A NOSA "SOMOS VALIENTES".
O NOSO LEMA FOI:
OS NENOS E NENAS DE 4 ANOS SOMOS VALENTES E QUEREMOS DICIR
"NON FAGAS ISO! PARA!"
ESTE PASADO SÁBADO DÍA 2 DE MAIO CELEBROUSE O DÍA DO ACOSO ESCOLAR.
COMO FOI UN DÍA NON LECTIVO, TRASLADÁMOLO NO COLE PARA MAÑÁN, MARTES 5 DE MAIO.
TODO O ALUMNADO DO COLEXIO CANTARÁ UNHA CANCIÓN RELACIONADA CON ESTA TEMÁTICA. CADA NIVEL CANTARÁ UNHA CANTIGA.
AS NENAS E NENOS DE 4 ANOS CANTAREMOS "SE BUSCAN VALIENTES" DO LANGI.
DESPOIS DO ENTROIDO E RELACIONADO CO NOSO DISFRACE DE ROCKABILLY, COMEZAMOS O PROXECTO DOS ANOS 50.
TODAS E TODOS TROUXEMOS INFORMACIÓN DE CASA SOBRE O TEMA QUE NOS TOCABA: MÚSICA, ARTE,
INVENTOS E XOGOS INFANTÍS DOS ANOS 50.
CONTAMOS A NOSA INFORMACIÓN E AMOSAMOS
OS NOSOS TRABALLOS PREPARADOS EN CASA. FÍXONOS MOITA ILUSIÓN QUE OS
PUIDESEN VER AS NOSAS COMPAÑEIRAS E COMPAÑEIROS.
MOITAS GRAZAS A TODAS AS FAMILIAS POLA VOSA COLABORACIÓN!
HOXE 23 DE ABRIL CELEBRAMOS O DÍA DO LIBRO.
FIXÉMOLO DUN XEITO MOI
ESPECIAL; CO APADRIÑAMENTO E AMADRINAMIENTO LECTOR CONSISTENTE EN QUE CADA
ALUMNA E ALUMNO DE 3º DE PRIMARIA ENCARGÁBASE DE CONTAR UN CONTO A OUTRA ALUMNA
OU ALUMNO DE 4 ANOS.
VIÑERON A BUSCARNOS A
CLASE PARA BAIXAR AO PATIO E ALÍ CONTARNOS O CONTO QUE ESCOLLERAN.
ESTIVEMOS MOI ATENTAS E
ATENTOS E POR ESE MOTIVO REGALÁRONNOS UN DEBUXO FEITO POR ELAS E ELES.
MOITAS GRAZAS MOZAS E
MOZOS DE 3º DE PRIMARIA!
REMATAMOS A XORNADA FACENDO UN MARCAPÁXINAS DUNHA ROSA.
HOXE VIÑERON AO COLE MANUEL E TAMARA, PAPÁ E MAMÁ DE ALEJANDRO.
MANUEL, COMO DEPORTISTA, FIXO FINCAPÉ NA IMPORTANCIA DO
DEPORTE ASÍ COMO DE SABER GAÑAR E PERDER.
ENSINOUNOS FOTOS, CAMISETAS DOS EQUIPOS DE FÚTBOL NOS QUE
XOGOU E UNHA MEDALLA QUE GAÑOU.
DESPOIS AS NENAS E NENOS FIXEMOS EQUIPOS PARA TIRAR DA
CORDA, CARREIRAS DE “RELEVOS” E CARREIRAS NAS QUE HABÍA QUE LANZAR UNHA PELOTA
PARA TIRAR UN BIRLO.
PASÁMOLO MOI BEN E QUEDAMOS CON GANAS DE SEGUIR.
MOITÍSIMAS GRAZAS MANUEL E TAMARA POLA VOSA PARTICIPACIÓN!
TODO O ALUMNADO DE INFANTIL FOMOS AO TEATRO AFUNDACIÓN PARA VER A OBRA DE MONICREQUES "VUELAPLUMA".
O PAXARO ROBIN ENCERRADO NA SÚA GAIOLA TIVO UN SOÑO. A GAIOLA ABRIUSE E ROBIN DESEXOU SAÍR E DESCUBRIR A LIBERDADE; E ASÍ, COMO SE VAI ATOPANDO CON DISTINTOS PERNANAXES.
A CONTINUACIÓN PODEDES VER UN TRAILER DA OBRA:
HOXE 7 DE ABRIL CELEBRAMOS O DÍA DA SAÚDE.
ALGO BÁSICO PARA
TRABALLAR UNHA BOA SAÚDE É CONTAR CUNHA DIETA EQUILIBRADA, FACER ACTIVIDADE
FÍSICA REGULARMENTE, UNHA BOA HIXIENE, DURMIR O NECESARIO E TER UNHA BOA
RELACIÓN COS DEMAIS. POR ISO, O PRIMEIRO QUE FIXEMOS NA AULA FOI PREPARAR UNHA
MERENDA SAUDABLE CON DIVERSAS FROITAS: PLÁTANO, AMORODOS, MANDARINA E ARANDOS.
CON ESTAS FROITAS E
SEGUINDO UN MODELO DISPUXÉMOLAS FORMANDO DÚAS FLORES.
HOXE VEU AO COLEXIO THIAGO, O PAPÁ DE DANIELA.
É UN CAMPIÓN DE BALONMÁN DE PRAIA E LEVOU MOITAS MEDALLAS XOGANDO COA SÚA SELECCIÓN DE BRASIL. TRÓUXOAS PARA QUE AS PUIDÉSEMOS VER E TAMÉN ALGÚN DOS SEUS TROFEOS.
FOMOS AO XIMNASIO PARA FACER UN OBRADOIRO DE DEPORTE.
COMO TODAS E TODOS OS DEPORTISTAS COMEZAMOS CO QUECEMENTO.
DESPOIS ENSINOUNOS XOGOS DE PELOTA NOS QUE SOAMENTE A PODIAMOS TOCAR COAS MANS: BOTAR, LANZAR...
FORON UNHAS ACTIVIDADES MOI CHULAS E DIVERTIDAS!!!
PASAMOLO TAN BEN QUE ESTAMOS A DESEXAR QUE VOLVA OUTRO DÍA.
MOITAS GRAZAS THIAGO!!!
Esta semaniña visitounos a mami de Manel para facernos un experimento con auga e cores. Puidemos ver coma por arte de maxia as cores pasaban dun vaso a outro, mesturábanse e creaban novas cores formando un fermoso arco da vella. Quedamos abraiades!!!
De premio por estar tan atentiñxs houbo pegatinas chulis!
Deixamos por aquí as fotiños dese día, xa estamos agardando a próxima visitiña! A ver con qué nos seguen sorprendendo as familias
DESPOIS DE APRAZAR DURANTE DÍAS O DESFILE DE ENTROIDO POR CULPA DO TEMPO, POR FIN CHEGOU O DÍA!!!
HOXE TODO O ALUMNADO DO COLE XUNTO AO PROFESORADO E FAMILIAS FESTEXAMOS O ENTROIDO. DESFILAMOS, BAILAMOS E QUEIMAMOS AO GALO.
AINDA QUE TIÑAMOS QUE BAILAR COMO NA PELÍCULA DE "GREASE" E ÍA VERNOS MOITA XENTE, NON ESTABAMOS NERVIOSAS NIN NERVIOSOS. ENSAIARAMOS MOITO E SABIAMOS QUE ÍA SAÍR XENIAL!!
TAMÉN QUEREMOS DAR AS GRAZAS ÁS FAMILIAS POLA SÚA COLABORACIÓN NOS DISFRACES.
FOI UN DÍA MOI DIVERTIDO!!!
A SEMANA DO ENTROIDO COMEZOU CUNHA SORPRESA.
DURANTE UNS DÍAS CANDO ENTRABAMOS NO COLE VIAMOS UNHA
FIGURA TAPADA CUNHA TEA. MIRÁMOLA BEN E TODAS E TODOS DIXEMOS QUE AQUELLO ERA
UN ESQUELETO (VÍMOSLLE OS PÉS DESCUBERTOS)
CANDO SE DESCUBRIU PUXÉMONOS MOI CONTENTAS E CONTENTOS PORQUE
TIÑAMOS RAZÓN; ERA UN ESQUELETO!!!
CADA DÍA TIÑA UN MANDADO QUE NOS DICÍA O QUE DEBERIAMOS POÑERNOS AO DÍA SEGUINTE E ASÍ DURANTE TODA A SEMANA.
ERAN MANDADIÑOS ACUMULATIVOS: POÑER ALGO SIMPÁTICO NA
CABEZA, A CARA PINTADA, UN ZAPATO DE CADA COR E UN PIXAMA.
FOI MOI DIVERTIDO!!!
DURANTE ESA SEMANA ENGORDAMOS AO GALO VILAVERDIÑO E
PUXÉMOSLLE PLUMAS PARA QUE ESTIVESE BEN GUAPO.
TAMÉN PINTAMOS O COCHE DE “GREASE” PARA O DÍA DO DESFILE
PERO … CANDO CHEGOU O DÍA, TIVEMOS QUE APRAZALO PORQUE A CHUVIA IMPEDIUNOS CELEBRALO;
ASÍ QUE HOUBO QUE ESPERAR.
ESTA ACTIVIDADE CONSISTÍA EN LEVAR A CLASE TRES OBXECTOS IMPORTANTES PARA CADA UNHA E CADA UN DE NÓS.
COMEZARON AS MASCOTAS DE 4 ANOS LEVANDO TRES OBXECTOS PREFERIDOS AS SÚAS AULAS. DESPOIS TOCOULLE O TURNO ÁS PROFES.
LOGO FOI O MOMENTO DAS NENAS E NENOS QUE TIVERON QUE EXPLICAR POR QUE ERAN IMPORTANTES ESES OBXECTOS PARA ELAS E ELES.
CON ESTA ACTIVIDADE TRATOUSE DE FOMENTAR A LINGUAXE ORAL, A EXPRESIÓN DAS SÚAS EMOCIÓNS, A ESCOITA POR PARTE DAS DEMAIS COMPAÑEIRAS E COMPAÑEIROS, COMPARTIR CON ELAS E CON ELES OS SEUS GUSTOS FAVORECENDO A AUTOESTIMA E O RESPETO...
NON LLES CHEGABA O MOMENTO DE QUE LLES TOCASE A QUENDA A ELAS E ELES. ESTABAN MOI EMOCIONADAS E EMOCIONADOS!!!
HOXE, 23 DE FEBREIRO, RECORDAMOS A ROSALÍA DE CASTRO COINCIDINDO CO 189 ANIVERSARIO DO SEU NACEMENTO.
SUBIMOS AO NOSO RECUNCHO DO COLE "DÁLLE Ó GALEGO" PARA FALAR DA SÚA VIDA. ALÍ CON AXUDA DUNHA TABLETA LEMOS CÓDIGOS "QR", GRAZAS AOS CALES PUIDEMOS ESCOITAR ALGÚN DOS SEUS POEMAS CANTADOS.
ESTIVEMOS MOI ATENTAS E ATENTOS!!
HOXE FOMOS AO SUPERMERCADO "GADIS" PARA SEGUIR TRABALLANDO A ALIMENTACIÓN SAUDABLE.
VISITAMOS AS SECCIÓNS DE FROITAS, VERDURAS E HORTALIZAS, LÁCTEOS, FROITOS SECOS E LEGUMES, PANADERÍA, BEBIDAS...
FOI MOI INTERESANTE!
AO ACABAR REGALÁRONNOS UNHA MERENDA SAUDABLE (PLÁTANO E UNHA BOTELLA DE AUGA) E UN PRATO QUE NOS INDICA AS PORCIÓNS QUE DEBEMOS COMER DE CARNE E PEIXE, LEGUMES, FROITAS...
AGORA EN CASA PODEMOS USAR ESE PRATO PARA TER EN CONTA AS CANTIDADES DE ALIMENTOS QUE DEBEMOS CONSUMIR DIARIAMENTE.
HOXE NOELIA, A NAI DE ANA CASTRO, VEU A LERNOS O CONTO "EL MONSTRUO DE COLORES". UN CONTO MOI CHULO DESPREGABLE!!
LOGO TRÓUXONOS UN TRABALLIÑO QUE TIÑAMOS QUE COLOREAR TENDO EN CONTA A EMOCIÓN QUE REPRESENTABA CADA MONSTRO. FIXÉMOLO MOI BEN!!
TAMÉN REGALOUNOS UN DEBUXO PARA COLOREAR EN CASA.
MOITAS GRAZAS NOELIA!!!
NA DERRADEIRA SEMANA DE XANEIRO ESTIVEMOS TRABALLANDO SOBRE A "PAZ".
VISIONAMOS UN VIDEO E REFLEXIONAMOS SOBRE O QUE SUPÓN NON PODER VIVIR EN PAZ EN ALGÚNS PAISES.
CADA UNHA E CADA UN DE NÓS COMENTABA O QUE LLES GUSTARÍA DICIR
A ESAS NENAS E NENOS QUE VIVEN NESES PAISES NOS QUE NON SE PODE DESFRUTAR DE
SAÍR AO PARQUE, IR AO COLEXIO, TER UNHA CASA, ESTAR COA FAMILIA… POR ISO, TODO
O ALUMNADO DO CENTRO ESCRIBIU ESAS MENSAXES NUNS CORAZÓNS QUE LOGO PEGAMOS NA
ENTRADA DO COLE.
TAMÉN TODAS E TODOS CANTAMOS A CANCIÓN “VEN COMIGO” EN LSE.
COMEZAMOS ESTE CURSO COS OBRADOIROS DE FAMILIAS.
EMPEZOU O 2º TRIMESTRE A FAMILIA DE PABLO. A SÚA NAI, ESTHER, VEU A FACER CONNOSCO UNS XOGOS MUSICAIS MOI DIVERTIDOS:
TIVEMOS QUE PASAR UN ARO Á COMPAÑEIRA OU COMPAÑEIRO QUE ESTABA AO NOSO LADO EMPREGANDO SOAMENTE AS PERNAS E SEN PODER USAR AS MANS.
DESPOIS ATOPAR UNS AXÓUXERES POLO SON.
E FINALMENTE ESCOITAMOS MÚSICA AO MESMO TEMPO QUE TIÑAMOS QUE FACER DISTINTOS MOVEMENTOS CO NOSO CORPO.
PASÁMOLO MOI BEN!!
MOITAS GRAZAS ESTHER!!!
ACOSO É CANDO DE MANEIRA REPETIDA FAISE DANO A OUTRA PERSOA TANTO DE PALABRA COMO DE ACCIÓN. ISO FAINOS SENTIR MAL E TER MEDO. NON CALES, ...
.jpg)
.jpg)
