OBRADOIRO FAMILIA DE XAVI E MARINA

HOXE VIÑERON AO COLE A FAMILIA DE XAVI (XANDRA E JORGE) E O PAI DE MARINA (XOAQUÍN).

DESPOIS DE APRAZAR VARIAS VECES ESTE OBRADOIRO POR CULPA DA CHUVIA, POR FIN PUIDEMOS COMEZAR COA PRIMEIRA PARTE DESTA ACTIVIDADE.

RECOLLEMOS FOLLAS VERDES DE DISTINTAS ÁRBORES. COLOCÁMOLAS NO MEDIO DE PAPEIS DE XORNAL PARA ABSORVER A HUMIDADE QUE TEÑEN E ASÍ SECALAS.  LOGO PUXÉMOSLLE MOITO PESO.PARA APLASTALAS E QUE QUEDASEN BEN PLANIÑAS.

OUTRO DÍA FAREMOS A SEGUNDA PARTE DESTE OBRADOIRO QUE XA VOS CONTAREMOS EN QUE CONSISTE.

TAMÉN FIXÉRONNOS UNS AGASALLOS MOI CHULOS PARA QUE LEVÁSEMOS PARA CASA: UN LIBRIÑO DE RECEITAS E UN BOLÍGRAFO.

MOITÍSIMAS GRAZAS XANDRA, JORGE E XOAQUÍN.

 

OBRADOIRO PAPÁ DE GRETA

HOXE TIVEMOS UN OBRADOIRO CO PAI DE GRETA, GUILLE.

CONTOUNOS COUSAS MOI INTERESANTES DO SEU TRABALLO DE BUSCA E SALVAMENTO.

TAMÉN TROUXO O TRAXE DE RESCATADOR, CASCOS E ALETAS PARA QUE PUIDÉSEMOS VER.

REGALOUNOS UNHAS BARRIÑAS LUMINOSAS DE EMERXENCIA E UN PARCHE CON VELCRO PARA QUE POÑAMOS ONDE MÁIS NOS GUSTE.

FOI MOI INTERESANTE E DIVERTIDO!

MOITÍSIMAS GRAZAS GUILLE!

OBRADOIRO MAMÁ DE GRETA

HOXE ACHEGOUSE ATA O COLE A MAMÁ DE GRETA PARA FACER CONNOSCO UN OBRADOIRO DE PRIMEIROS AUXILIOS.

O MÁIS IMPORTANTE FOI APRENDER QUE EN CASO DE EMERXENCIA DEBEMOS CHAMAR A UN ADULTO E SEMPRE TEMOS QUE RECORDAR O NÚMERO 112.

PASAMOS UNHA XORNADA MOI DIVERTIDA.

MOITÍSIMAS GRAZAS IRENE!!!

OBRADOIRO FAMILIA DE ALEJANDRO

HOXE VIÑERON AO COLE MANUEL E TAMARA, PAPÁ E MAMÁ DE ALEJANDRO.

MANUEL, COMO DEPORTISTA, FIXO FINCAPÉ NA IMPORTANCIA DO DEPORTE ASÍ COMO DE SABER GAÑAR E PERDER.

ENSINOUNOS FOTOS, CAMISETAS DOS EQUIPOS DE FÚTBOL NOS QUE XOGOU E UNHA MEDALLA QUE GAÑOU.

DESPOIS AS NENAS E NENOS FIXEMOS EQUIPOS PARA TIRAR DA CORDA, CARREIRAS DE “RELEVOS” E CARREIRAS NAS QUE HABÍA QUE LANZAR UNHA PELOTA PARA TIRAR UN BIRLO.

PASÁMOLO MOI BEN E QUEDAMOS CON GANAS DE SEGUIR.

MOITÍSIMAS GRAZAS MANUEL E TAMARA POLA VOSA PARTICIPACIÓN!

OBRADOIRO DE FAMILIAS

HOXE VEU AO COLEXIO THIAGO, O PAPÁ DE DANIELA.

É UN CAMPIÓN DE BALONMÁN DE PRAIA E LEVOU MOITAS MEDALLAS XOGANDO COA SÚA SELECCIÓN DE BRASIL. TRÓUXOAS PARA QUE AS PUIDÉSEMOS VER E TAMÉN ALGÚN DOS SEUS TROFEOS.

FOMOS AO XIMNASIO PARA FACER UN OBRADOIRO DE DEPORTE.

COMO TODAS E TODOS OS DEPORTISTAS COMEZAMOS CO QUECEMENTO.

DESPOIS ENSINOUNOS XOGOS DE PELOTA NOS QUE SOAMENTE A PODIAMOS TOCAR COAS MANS: BOTAR, LANZAR...

FORON UNHAS ACTIVIDADES MOI CHULAS E DIVERTIDAS!!!

PASAMOLO TAN BEN QUE ESTAMOS A DESEXAR QUE VOLVA OUTRO DÍA.

MOITAS GRAZAS THIAGO!!!

OBRADOIRO DE FAMILIAS

HOXE NOELIA, A NAI DE ANA CASTRO, VEU A LERNOS O CONTO "EL MONSTRUO DE COLORES". UN CONTO MOI CHULO DESPREGABLE!!

LOGO TRÓUXONOS UN TRABALLIÑO QUE TIÑAMOS QUE COLOREAR TENDO EN CONTA  A EMOCIÓN QUE REPRESENTABA CADA MONSTRO. FIXÉMOLO MOI BEN!!

TAMÉN REGALOUNOS UN DEBUXO PARA COLOREAR EN CASA.

MOITAS GRAZAS NOELIA!!!

OBRADOIRO DE FAMILIAS

COMEZAMOS ESTE CURSO COS OBRADOIROS DE FAMILIAS.

EMPEZOU O 2º TRIMESTRE A FAMILIA DE PABLO. A SÚA NAI, ESTHER, VEU A FACER CONNOSCO UNS XOGOS MUSICAIS MOI DIVERTIDOS: 

TIVEMOS QUE PASAR UN ARO Á COMPAÑEIRA OU COMPAÑEIRO QUE ESTABA AO NOSO LADO EMPREGANDO SOAMENTE AS PERNAS E SEN PODER USAR AS MANS.

DESPOIS ATOPAR UNS AXÓUXERES POLO SON.

E FINALMENTE ESCOITAMOS MÚSICA AO MESMO TEMPO QUE TIÑAMOS QUE FACER DISTINTOS MOVEMENTOS CO NOSO CORPO.

PASÁMOLO MOI BEN!!

MOITAS GRAZAS ESTHER!!!