FAMILIA DE XAVI

HOXE VIÑERON AO COLE XANDRA E JORGE, NAI E PAI DE XAVI, PARA FACER UN OBRADOIRO  SOBRE O SOLO. 

ESCOITAMOS UN CONTO QUE NOS FALABA DA IMPORTANCIA DO SOLO PARA OS SERES VIVOS. 

DESPOIS CADA UN E CADA UNHA DE NÓS DECOROU UN VASO DE IOGUR CON PEGATINAS. NESTE VASIÑO BOTÁMOSLLE TERRA E PLANTAMOS SEMENTES DE XIRASOL, MELÓN E FABA. TAPÁMOLAS CON MÁIS TERRA E REGÁMOLAS UN POUQUIÑO.

REMATAMOS MIRANDO UN PEQUENO VIDEO COMO RESUMEN. 

TODAS E TODOS LEVAMOS PARA CASA O NOSO VASIÑO ONDE PLANTAMOS AS SEMENTES. SEGURO QUE ÍMOLAS COIDAR MOI BEN E VAN MEDRAR MOITO.

FOI UNHA XORNADA MOI INTERESANTE E ENTRETIDA.

MOITÍSIMAS GRAZAS XANDRA E JORGE!!!

FAMILIA DE TRISTÁN

CONTINUAMOS COS OBRADOIROS DE FAMILIAS.

ESTA VEZ VEU ANDREA, NAI DE TRISTÁN. 

CONTOUNOS UNS FERMOSOS CONTOS E FIXEMOS UNHAS OVELLIÑAS MOI CHULAS QUE LOGO LEVAMOS PARA CASA. 

AGASALLOUNOS CUNS COLGATES E UNHAS OVELLIÑAS.

MOITAS GRAZAS ANDREA

FAMILIA DE GRETA

IRENE E GUILLE, NAI E PAI DE GRETA, VIÑERON FACER CON NÓS UN OBRADOIRO DE PRIMEIROS AUXILIOS. 

CONTÁRONNOS O QUE TIÑAMOS QUE FACER CANDO NOS ATOPÁSEMOS CUNHA PERSOA FERIDA, A POSICIÓN DE SEGURIDADE... E QUE TIÑAMOS QUE RECORDAR SEMPRE UN NÚMERO DE TELÉFONO IMPORTANTÍSIMO, O NÚMERO 112.

TAMÉN FIXEMOS UN SIMULACRO DE ATOPAR A ALGUÉN QUE PRECISABA AXUDA E XOGAMOS A CURARNOS E VENDARNOS DIFERENTES PARTES DO CORPO

FOI UNHA MAÑÁ MOI INTERESANTE E DIVERTIDA.

MOITAS GRAZAS IRENE E GUILLE.

FAMILIA DE DEVA

HOXE ESTIVO CON NÓS A NAI DE DEVA, FÁTIMA.

PASAMOS UNHA MAÑÁ MOI DIVERTIDA CON ELA XA QUE FIXEMOS UN MONTÓN DE ACTIVIDADES.

PRIMEIRO CONTOUNOS O CONTO "XA NON SON MALO".

LOGO FIXEMOS UN MARCAPÁXINAS E REMATAMOS CANTANDO E BAILANDO.

PASÁMOLO XENIAL! 

MOITAS GRAZAS FÁTIMA!!!

FAMILIA DE MARCO

TIVEMOS UN NOVO OBRADOIRO DE FAMILIAS.

A SEMANA PASADA VIÑERON Á AULA DE 3 ANOS MARÍA E PABLO, NAI E PAI DE MARCO.

FIXEMOS UNHAS OBRAS DE ARTE IMPRESIONANTES ONDE PINTAMOS CON CERAS E LOGO ESTAMPAMOS A NOSA MAN. VAIA CADRO MÁIS BONITO!

LOGO REMATAMOS ESCOITANDO UN CONTO.

PASAMOS UNHA XORNADA MOI ENTRETIDA.

MOITAS GRAZAS MARÍA E PABLO.

VISITANOS A NAI DE ROI

 IRIA , A NAI DE ROI, VEU VISITARNOS.

DIVIDÍMONOS EN TRES GRUPOS PARA FACER DIFERENTES TAREFAS:

- XOGAR AO DADO E VER QUE NOS DIN AS TARXETAS.

- FACER EXPERIMENTOS MESTURANDO CORES.

- FACER PULSEIRAS, COLARES, "GAFAS", VARIÑAS EMPREGANDO PAUS LUMINOSOS.

MOITAS GRAZAS

ENTROIDO

LEVAMOS UN TEMPO PREPARANDO O ENTROIDO E… ALGUÉN INDISPESABLE NO NOSO COLE É O GALO VILAVERDIÑO.

DESPOIS DE QUE PACO FIXERA A ESTRUCTURA DO GALO, NÓS FOMOS METERLLE PAPEL ENRRUGADO PARA QUE ESTIVERA UN POUCO GORDIÑO.

LOGO, ENTRE TODO O ALUMNADO,  PUXÉMOSLLE PLUMAS, PARA QUE PARECERA BEN GUAPO.

TAMÉN COLABORAMOS NA ELABORACIÓN DO NOSO DISFRACE: FIXEMOS BÓLAS DE PAPEL PARA FACER OS FLOCOS DE MILLO E PEGAMOS TIRAS BRANCAS NO NOSO GORRO.

AGORA SÍ; POR FIN CHEGOU O DÍA!!

TODO O ALUMNADO E PROFESORADO DO COLE ÍA DISFRAZADO. NÓS TIÑAMOS MOITA GANA DE VESTIRNOS CO NOSO TRAXE DE "FLOCOS DE MILLO"

QUE GUAPAS E GUAPOS IAMOS!! E QUE BEN O FIXEMOS!!

POR SUPOSTO ESTIVEMOS NA QUEIMA DO GALO VILAVERDIÑO. ALGUNHA E ALGÚN DE NÓS PÚXOSE UN POUCO TRISTE, PERO...NON PASA NADA, PARA O ANO QUE VEN, FAREMOS OUTRO!

A MAMÁ DE PABLO CÓNTANOS UNS CONTOS

 HOXE ESTIVO CON NÓS ESTHER, A MAMÁ DE PABLO.

CONTOUNOS DOUS CONTOS RELACIONADOS COAS NOSAS MASCOTAS; UN CONTO DE TARTARUGA "A TARTARUGA QUE QUERÍA DURMIR" E OUTRO DE XIRAFA "LAS JIRAFAS NO PUEDEN BAILAR".

GUSTÁRONNOS MOITO OS DOUS CONTOS E ESTIVEMOS MOI ATENTAS E ATENTOS.

MOITAS GRAZAS ESTHER POR PASAR UN TEMPO CON NÓS.

MAMÁ DE ÓLIVER E DE MARIO

ONTE, NO COLE, PUIDEMOS DESFRUTAR DA MAMÁ DE ÓLIVER E DE MARIO.

CONTÁRONNOS UN CONTO E TROUXÉRONNOS DOUS XOGOS MOI DIVERTIDOS: LANZAMENTO DA FERRADURA E LEVAR UN OVO CUNHA CULLER NA BOCA.

GAÑAMOS TODAS E TODOS UNHA COPA E AGASALLÁRONNOS CUNHAS PRECIOSAS MEDALLAS.

MOITÍSIMAS GRAZAS POLA VOSA COLABORACIÓN E TRABALLO!!

FAMILIA DE ALEJANDRO

HOXE VEU AO COLE A FAMILIA DE ALEJANDRO, A AVOA ANA E A SÚA MAMÁ TAMARA.

ANA CONTOUNOS O CONTO DE "COCORICO" E DESPOIS DÉRONNOS UNHA SORPRESA PORQUE TROUXERON UN BISCOITO QUE FIXERAN NA CASA CON AXUDA DE ALEJANDRO. ALGÚN E ALGUNHA DE NÓS REPETIMOS VARIAS VECES E AS PROFES CASE NON PUIDERON NIN PROBALO. ESTABA BOÍSIMO!!

REMATAMOS ESCOITANDO A CANCIÓN NA PANTALLA E POR SUPOSTO BAILANDO!

MOITAS GRAZAS A ANA E TAMARA!!!

A MAMÁ DE BIANCA CÓNTANOS UN CONTO

 

O MÉRCORES VEU A CONTARNOS UN CONTO AO COLE VANESA, A NAI DE BIANCA . 

CONTOUNOS O "COELLIÑO BRANCO" DE KALANDRAKA E DISFRUTAMOS UN MONTÓN. TAMÉN DESCUBRIMOS TODOS OS ANIMAIS QUE APARECEN NEL.

MOITAS GRAZAS VANESA

BAILAMOS CON NOELIA

ESTE MARTES TIVEMOS A SORTE DE QUE NOELIA, A MAMÁ DE DANIELA, VIÑERA AO COLE A ENSINARNOS UNS BAILES.

MOVÉMONOS MOITÍSIMO E PASÁMOLO XENIAL. FOI MOI DIVERTIDO!!!

MOITAS GRAZAS NOELIA!