SAÍDA AO TEATRO

A SEMANA PASADA FOMOS DE EXCURSIÓN A AFUNDACIÓN PARA VER A OBRA DE TEATRO "E ENTÓN, UN XARDÍN". 

É UNHA PEZA DE TÍTERES CON MÚSICA EN DIRECTO QUE AMOSA VALORES COMO A EMPATÍA, RESPONSABILIDADE E O RESPECTO.

FAMILIA DE GRETA

IRENE E GUILLE, NAI E PAI DE GRETA, VIÑERON FACER CON NÓS UN OBRADOIRO DE PRIMEIROS AUXILIOS. 

CONTÁRONNOS O QUE TIÑAMOS QUE FACER CANDO NOS ATOPÁSEMOS CUNHA PERSOA FERIDA, A POSICIÓN DE SEGURIDADE... E QUE TIÑAMOS QUE RECORDAR SEMPRE UN NÚMERO DE TELÉFONO IMPORTANTÍSIMO, O NÚMERO 112.

TAMÉN FIXEMOS UN SIMULACRO DE ATOPAR A ALGUÉN QUE PRECISABA AXUDA E XOGAMOS A CURARNOS E VENDARNOS DIFERENTES PARTES DO CORPO

FOI UNHA MAÑÁ MOI INTERESANTE E DIVERTIDA.

MOITAS GRAZAS IRENE E GUILLE.

FAMILIA DE DEVA

HOXE ESTIVO CON NÓS A NAI DE DEVA, FÁTIMA.

PASAMOS UNHA MAÑÁ MOI DIVERTIDA CON ELA XA QUE FIXEMOS UN MONTÓN DE ACTIVIDADES.

PRIMEIRO CONTOUNOS O CONTO "XA NON SON MALO".

LOGO FIXEMOS UN MARCAPÁXINAS E REMATAMOS CANTANDO E BAILANDO.

PASÁMOLO XENIAL! 

MOITAS GRAZAS FÁTIMA!!!

VISITA DA POLICÍA NACIONAL

O PASADO 28 DE ABRIL VIÑERON VISITARNOS MIRIAM E OLALLA QUE PERTENCEN AO CORPO DA POLICÍA NACIONAL.

CONTÁRONNOS EN QUE CONSISTE O SEU TRABALLO, OS VEHÍCULOS QUE EMPREGAN, QUE ESTÁN SEMPRE PARA AXUDARNOS E O NÚMERO QUE DEBEMOS RECORDAR SEMPRE PARA PEDIR AXUDA, O 112

TAMÉN AGASALLÁRONNOS CUNHA PLACA, UNHA PEGATINA E UN DEBUXO PARA COLOREAR.

MOITAS GRAZAS POLA VOSA VISITA!

 

DÍA DA SAÚDE

 O LUNS 7 FESTEXAMOS O DÍA DA SAÚDE CUNHAS ACTIVIDADES MOI ESPECIAIS.

PRIMEIRO FIXEMOS UNHA MERENDA SAUDABLE: UNHA ESPETADA DE FROITAS.

CORTAMOS OS PLÁTANOS EN PEDAZOS, PELAMOS AS MANDARINAS E SEPARAMOS OS CUARTEIRÓNS.

UNHA VEZ PREPARADA TODA A FROITA, EMPEZAMOS PICANDO NO PAU MANDARINA, PLÁTANO, UVAS VERDES E UVAS NEGRAS. TODAS AS ESPETADAS PICÁMOLAS NUNHA PERA PARA FACER UN PAVO REAL.

DESPOIS, POR SUPOSTO, CADA UNHA E CADA UN COMEU A SÚA ESPETADA.

QUE RICAS ESTABAN!

MÁIS TARDE FIXEMOS UNHA CARREIRA NO PATIO ONDE NOS ANIMARON AS NENAS E NENOS MAIORES. FIXÉMOLO XENIAL!

POR ÚLTIMO, NO XIMNASIO XUNTO ÁS NOSAS COMPAÑEIRAS E COMPAÑEIROS DE 4 E 5 ANOS, ESTIVEMOS A BAILAR.

FOI UNHA MAÑÁ MOI DIVERTIDA!

Palabras descoñecidas

• Copiar

Escoitar

VIII EDICIÓN CANTAMOS COAS MANS: "RECOÑECÉNDOME"

 ESTE ANO PARTICIPAMOS NA VIII EDICIÓN DO CONCURSO "CANTAMOS COAS MANS" COA NOSA CANTIGA "RECOÑECÉNDOME" DE GUADI GALEGO.

E...SABEDES QUE PASOU?

QUE GRAZAS A TODAS E TODOS O NOSO CENTRO TIVO UNHA MENCIÓN DE HONRA!!! 

MOITAS FELICIDADES!!!

FAMILIA DE MARCO

TIVEMOS UN NOVO OBRADOIRO DE FAMILIAS.

A SEMANA PASADA VIÑERON Á AULA DE 3 ANOS MARÍA E PABLO, NAI E PAI DE MARCO.

FIXEMOS UNHAS OBRAS DE ARTE IMPRESIONANTES ONDE PINTAMOS CON CERAS E LOGO ESTAMPAMOS A NOSA MAN. VAIA CADRO MÁIS BONITO!

LOGO REMATAMOS ESCOITANDO UN CONTO.

PASAMOS UNHA XORNADA MOI ENTRETIDA.

MOITAS GRAZAS MARÍA E PABLO.