REMATAMOS O PRIMEIRO TRIMESTRE

 Chegaron as vacacións de Nadal pero antes houbo moitas actividades no cole nas que o pasamos xenial.

Cada nivel preparou unha panxoliña que logo tería que cantarlla a outras compañeiras e compañeiros. Nós cantamos “Din Don Dan” empregando instrumentos musicais a 4º de EP, logo tocoulle a elas e eles cantarnos a súa panxoliña. Estabamos un pouco nerviosas e nerviosos pero o fixemos moi ben.

Viñeron unhas alumnas da universidade a facer un obradoiro de socialización e tipos de familias. Comezaron contándonos un conto para logo facerr unha actividade na que tiñamos que debuxar a nosa familia dentro dunha casa que tiñamos que decorar. Algunha e algún soamente decorou a casa porque dixo que a súa familia estaba a durmir ou saira por iso non a podía debuxar.

Estivemos a traballar a pintora Lúa Gándara. Observando a súa obra, durante uns días, intentamos empregar a súa técnica e dedicámonos a facer a postal de Nadal que vos chegou ás vosas casas. Quedaron moi chulas!!! e ... gustáronlle moitísimo a Lúa que ata veu visitarnos.

Cando rematamos as postais metémolas no sobre que trouxemos da casa. Achegouse o carteiro ata as nosas aulas para recollelos e podelos deixar nos nosos buzóns. Esperamos que vos gusten.

Grazas pola vosa colaboración!

Tamén grazas á vosa colaboración decoramos a porta da aula cos vosos corazóns que fixéchedes coas vosas fillas e fillos. Moitas grazas!!! 

Tampouco podía faltar o elfo que todos os días facía trasnadas na casa dalgunha e dalgún.

Por fin chegou o derradeiro día que tanto esperabamos.

Comezamos coa chocolatada e a rosca que estaban boísimas. Algunha e algún non paraba de comer!!

Logo visitounos o Apalpador en compañía do combo que o fixo xenial!!!  Veu cargado con agasallos para nós e algunha doulle un debuxo que trouxo preparado da súa casa. Gustáronlle moitísimo!

E ... rematamos coas 12 badaladas. Todas e todos conseguimos tomar os 12 petiscos!!

Agora sí, xa podemos gozar das vacacións de nadal e vémonos no 2026. 

Felices festas!!

XA CHEGA O NADAL!

FALTAN POUCOS DÍAS PARA O NADAL E TODAS E TODOS ESTAMOS MOI ILUSIONADAS E ILUSIONADOS.

DECORAMOS A NOSA PORTA DA AULA GRAZAS Á COLABORACIÓN DAS FAMILIAS TRAENDO UN CORAZÓN DECORADO, ELABORAMOS A POSTAL DE NADAL E ESTAMOS A APRENDER UNHA PANXOLIÑA TITULADA "DIN DON DAN" DE MAMÁ CABRA.

PODEMOS PRACTICALA NA CASA COA FAMILIA PORQUE A VINDEIRA SEMANA ÍMOSLLA CANTAR AO ALUMNADO DE 6º DE PRIMARIA. SEGURO QUE O FACEMOS XENIAL!

"O LANGHI"

ESTE PASADO 3 DE DECEMBRO, DÍA DA DISCAPACIDADE, TODO O ALUMNADO DO COLEXIO QUIXO DAR VISIBILIDADE ÁS PERSOAS CON DIVERSIDADE FUNCIONAL RELACIONADAS DALGÚN XEITO COA MÚSICA.

EN 4 ANOS ELIXIMOS A JUAN MANUEL MONTILLA MACARRÓN, MÁIS COÑECIDO COMO "O LANGHI". APRENDEMOS MOITAS COUSAS DEL E FOMOS A GRAVAR ESTA INFORMACIÓN Á RADIO DO COLE. 

NA SEGUINTE PRESENTACIÓN PODEDES ESCOITAR O NOSO AUDIO DO LANGUI, ASÍ COMO TAMÉN AO RESTO DAS NENAS E NENOS DO CENTRO CONTÁNDONOS A INFORMACIÓN DOS SEUS ARTISTAS.

Celebramos o 25 N

 Onte no cole tivemos xornada especial para traballar o 25 N.

Nestes días as clases elaboramos unhas "red flags" nas que puxemos accións que non debemos tolerar. Agora están polos corredores do centro recordando o que non debemos facer.

As nosas quedaron así de chulas:

Tamen limos un par de contiños de temática 25 N.

O propio día saímos todo o cole a cantar a canción "Golden", apoiada en lingua de signos, das Guerreiras K- Pop. Foi un momento máxico no que todo o centro o pasamos ben e alzamos as nosas voces de loita e apoio.

A ANPA tamen colaborou decorando a porta de entrada do cole. Foi unha sorpresa chegar ao cole e ver ese fermoso arco de globos morados. Para recordalo fixemos unha fotiña que vos deixamos por aquí para que vexades:

De troula no Samaín

O pasado xoves tivemos a esperada xornada de Samaín. 

Ao longo desa semana trouxemos cabazas, decoramos corredores, contamos historias de medo, aprendimos cancións... e rematamos cunha festa por todo o alto na que o pasamos xenial.

Tivemos varios obradoiros:

Un pintacaras, xogos de mímica, de escapar da bruxa, pintamos con luz negra e atopar a nosa parella.

Despois tivemos merendola terrorífica conxunta, baile e degustación de castañas.

Pasámolo xenial! Xa estamos agardando a próxima festiña no cole.

Saímos a observar o OUTONO

O venres pasado saimos a un monte cercano a observar os cambios da natureza coa chegada do outono.

 

 

Collemos landras, follas, ourizos, castañas e un montón de cousiñas para experimentar con elas nas aulas.

Pasámolo xenial! Xa estamos agardando a próxima saída.

Deixamos unhas fotiños para que as vexades.

Saudiños dos peques de 5º de infantil e as profes.

CANTIGA PARA O SAMAÍN

PARA A CELEBRACIÓN DO SAMAÍN IMOS PREPARAR UNHA CANTIGA SIGNADA POR CAROLINA, A INTÉRPRETE DE LINGUA DE SIGNOS ESPAÑOLA QUE ESTÁ CON NÓS NO COLE.

A CANTIGA QUE TRABALLAREMOS EN INFANTIL SERÁ "O SAMAÍN" DE MAMÁ CABRA.

CHEGA O SAMAÍN

NO COLE XA COMEZAMOS A FALAR DO SAMAÍN. 

CON ESTE GENIALLY APRENDEREMOS  VOCABULARIO E A ORIXE DESTA CELEBRACIÓN A TRAVÉS DE CANTIGAS, CONTOS, XOGOS, MANUALIDADES, EXPERIMENTOS, RECEITAS... 

ANIMÁDEVOS E FACEDE TAMÉN NA CASA ESTAS ACTIVIDADES!!!

ANTÍO CHEGOU AO COLE

XA HAI DÍAS QUE AS NENAS E NENOS ESTABAN A PREGUNTAR POR ANTÍÍÑO.

NON ÍA VIR VISITARNOS? XA ESTABAMOS EN OUTONO E AÍNDA NON APARECERA POLO COLE. 

E...NON SABEDES QUEN ESTABA HOXE NA ENTRADA DO COLEXIO? POIS ANTÍO, O PAPÁ DOS ANTIÍÑOS. OS PEQUENOS  ESQUÍOS ESTÁN NAS AULAS DE 3 ANOS E O PAPÁ ANTÍO ESTÁ NO COLE DOS MAIORES, ONDE ESTAMOS NÓS.

DÉMOSLLE MOITAS CARICIAS; É MOI SUAVIÑO. QUE ALEGRÍA LEVAMOS CANDO O VIMOS!!!

COMEZAMOS 5º DE INFANTIL

EMPEZAMOS ESTE NOVO CURSO COA "VOLTA AO COLE FEST" CON MÚSICA E GANAS DE PASALO BEN. REENCONTRÁMONOS COAS AMIGAS E AMIGOS, COMEZAMOS NUNHA NOVA CLASE, NOVOS MATERIAIS E XOGOS...

ESTES PRIMEIROS DÍAS ALGUNHAS NENAS E NENOS TROUXERON AO COLE O SEU DIARIO QUE ESTIVERON FACENDO NO VERÁN E NOLO ESTIVERON ENSINANDO. QUE CHULOS LLES QUEDARON!

 

FESTA FIN DE CURSO

CHEGAMOS AO REMATE DO CURSO DE 3 ANOS. NON PODIAMOS DESPEDIRNOS SEN UNHA BOA FESTA.

PRIMEIRO XUNTÁMONOS "3 ANOS A" E "3 ANOS B" NUNHA CLASE PARA FACER UNHA MERENDOLA.

COMEMOS MOITÍSIMO!!!

LOGO NO PATIO, TODO INFANTIL, FIXEMOS UNHA XINCANA DE XOGOS: ENCHEMOS VASOS CON AUGA, PESCAMOS TAPAS, PASÁMONOS GLOBOS DE AUGA CON MOITO COIDADO, LANZAMOS SACOS E BAILAMOS.

REMATAMOS EXPLOTANDO POMPAS!!  FOI MOI DIVERTIDO

HORTO ESCOLAR

VISITAMOS O HORTO DO COLEXIO.

DIVIDÍMONOS EN EQUIPOS E DISTRIBUÍMONOS CON NENOS E NENAS MAIORES QUE FORON OS ENCARGADOS E ENCARGADAS DE ENSINARNOS O QUE ALÍ HABÍA: PRANTAS AROMÁTICAS, COMPOST...

TAMÉN FIXEMOS XOGOS DE BUSCAR HORTALIZAS, DESCUBRIR POLO TACTO DIVERSOS ALIMENTOS DO HORTO, REGAR...

O TRABALLO DESTE HORTO FOI ORGANIZADO E FEITO POLA PROFE MAITE. MOITAS GRAZAS.

FAMILIA DE LEILA

 ESTE CURSO REMATAMOS OS OBRADOIROS DE FAMILIAS CON ANDREA, NAI DE LEILA.

TRÓUXONOS UN XOGO MOI DIVERTIDO. 

TIÑAMOS QUE ADIVIÑAR A IMAXE QUE APARECÍA NUNHA TARXETA  DESPOIS DE QUE UN COMPAÑEIRO OU COMPAÑEIRA FIXESE MIMÍCA OU SONS.

MOITAS GRAZAS ANDREA

VISITAMOS AS AULAS DE 4 ANOS

HAI UNS DÍAS FOMOS VISITAR AS NOSAS FUTURAS AULAS PARA O VINDEIRO CURSO.

ENSINÁRONNOS MATERIAIS E RECANTOS QUE TEÑEN NESAS CLASES, CONTÁRONNOS ACTIVIDADES QUE ESTÁN A FACER...

QUE ILUSIÓN NOS FIXO PODER COÑECER AS CLASES DE 4 ANOS ONDE ESTAREMOS O SEGUINTE CURSO.

FAMILIA DE XAVI

HOXE VIÑERON AO COLE XANDRA E JORGE, NAI E PAI DE XAVI, PARA FACER UN OBRADOIRO  SOBRE O SOLO. 

ESCOITAMOS UN CONTO QUE NOS FALABA DA IMPORTANCIA DO SOLO PARA OS SERES VIVOS. 

DESPOIS CADA UN E CADA UNHA DE NÓS DECOROU UN VASO DE IOGUR CON PEGATINAS. NESTE VASIÑO BOTÁMOSLLE TERRA E PLANTAMOS SEMENTES DE XIRASOL, MELÓN E FABA. TAPÁMOLAS CON MÁIS TERRA E REGÁMOLAS UN POUQUIÑO.

REMATAMOS MIRANDO UN PEQUENO VIDEO COMO RESUMEN. 

TODAS E TODOS LEVAMOS PARA CASA O NOSO VASIÑO ONDE PLANTAMOS AS SEMENTES. SEGURO QUE ÍMOLAS COIDAR MOI BEN E VAN MEDRAR MOITO.

FOI UNHA XORNADA MOI INTERESANTE E ENTRETIDA.

MOITÍSIMAS GRAZAS XANDRA E JORGE!!!

VISÍTANOS A POLICÍA CO SEU COCHE E MOTO

ESTE PASADO MARTES VOLVERON VISITARNOS AS POLICÍAS MIRIAM E OLALLA PERO ESTA VEZ CON COCHE E MOTO.

MONTAMOS NA PARTE DE DIANTE DO COCHE E TAMÉN NA DE ATRÁS E ... POR SUPOSTO QUE TAMÉN SUBIMOS A SÚA MOTO.

QUE ILUSIÓN NOS FIXO!!!