CHEGOU O NADAL

ESTE TRIMESTRE ESTIVERON CON NÓS ANTÍO, A MASCOTA DO OUTONO, E OS SEUS FILLIÑOS ANTIÍÑOS.

TODOS OS DÍAS OS ANTIÍÑOS ESCONDÍANSE E TIÑAMOS QUE BUSCALOS. ERA MOI DIVERTIDO. PERO CHEGOU UN DÍA QUE O PAPÁ ANTÍO TIVO QUE LEVALOS DE VOLTA PARA O SOUTO, ASÍ QUE DESPEDÍMONOS DELES ATA O ANO QUE VEN.

REMATAMOS ESTE TRIMESTRE APRENDENDO MOITO, MOITO. MOITO.

OBSERVAMOS, CONVERSAMOS, OPINAMOS, MANIPULAMOS, PINTAMOS...

COMEZAMOS O MES DO NADAL E AS AULAS DE 3 ANOS XA LEVAMOS DENDE O 1 DE DECEMBRO CO NOSO CALENDARIO DE ADVIENTO. 

CADA DÍA O ENCARGADO OU ENCARGADA TIÑA QUE COLLER O SOBRE CO NÚMERO CORRESPONDENTE E DESCUBRIR NA SÚA CASA A SORPRESA QUE LEVABA DENTRO.

DURANTE DÍAS ESTIVEMOS PREPARANDO UNHA TARXETA PARA FELICITAR ESTAS FESTAS DE NADAL ÁS NOSAS FAMILIAS.

INSPIRÁMONOS EN NURIA ARBIGAY, PINTORA PONTEVEDRESA, QUE CREA ARTE ABSTRACTA.

O PROCESO FOI O SEGUINTE: NUN ANACO DE TEA BOTAMOS PINTURA DAS TRES CORES PRIMARIAS. DOBLÁMOLA FACENDO UNHA BOLA E DEIXÁMOLA SECAR UN POUCO ATA O DÍA SEGUINTE.

CANDO ABRIMOS ESTA BOLA, AS CORES APARECÍAN MESTURADAS. ERA O MOMENTO DE BUSCAR NESTAS MANCHAS ALGUNHA FORMA DO NADAL.

PARA REMATAR, PERFILAMOS ESTA IMAXE CUN ROTULADOR.

DESPOIS PRECISABAMOS QUE AS NOSAS TARXETAS PUIDERAN CHEGAR AS NOSAS CASAS. PARA ISO NECESITABAMOS DUNHA PERSOA QUE AS LEVARA. FOI O CARTEIRO QUE VEU ATA AS NOSAS AULAS PARA RECOLLER OS SOBRES. ÍA BOTALOS NOS NOSOS BUZÓNS.

XA VEREDES QUE TARXETAS MÁIS ORIXINAIS RECIBIDES!

AQUÍ PODEDES ATOPAR VOCABULARIO DE NADAL EN LSE E PANXOLIÑAS PARA CANTAR NESTAS FESTAS.

FELICES FESTAS E FELIZ ANO 2025!!!

QUE BEN CHEIRAN ESTAS GALLETAS !

NAS FESTAS DE NADAL A FAMILIA XÚNTASE AO REDOR DUNHA MESA PARA COMER E DESFRUTAR DE ESTAR XUNTOS E XUNTAS. ESES DÍAS TOMAMOS UNHA GRANDE VARIEDADE DE COMIDAS NAS QUE SEMPRE HAI UNHAS SOBREMESAS MOI PERO MOI RICAS.

NÓS QUIXEMOS ADIANTARNOS E POR ISO ELABORAMOS UNHAS GALLETAS DE NADAL CUNS INGREDIENTES COMO: OVOS, AZUCRE, FARIÑA, MANTEIGA, "LEVADURINA" E UNS ANACOS DE CHOCOLATE.

PASÁMOLO XENIAL! BATEMOS, MESTURAMOS, AMASAMOS... E METÉMOLAS NO FORNO.

ESPERAMOS QUE ARREFRIASEN E... A COMERRRRR!

NON DEIXAMOS NADA. GUSTÁRONNOS MOITÍSIMO!

25 N: DÍA INTERNACIONAL DA ELIMINACIÓN DA VIOLENCIA CONTRA A MULLER.

QUEREMOS QUE TODAS AS PERSOAS SEXAN IGUAIS AVANZANDO NA IGUALDADE DE HOMES E MULLERES. POR ISO, TODO O COLE ESTIVO TRABALLANDO PELÍCULAS PARA FALAR DESTE TEMA.

A NÓS TOCOUNOS "BRANCANEVES E OS SETE ANANIÑOS".

NA CLASE, DURANTE UNS DÍAS, ESTIVEMOS MIRANDO ANAQUIÑOS DESTA PELÍCULA E ASÍ DÉMONOS CONTA DE QUE TANTO BRANCANEVES COMA OS ANANIÑOS DEBÍAN REPARTIRSE E COLABORAR NOS TRABALLOS DA CASA.

PARTINDO DESTA IDEA FIXEMOS UNS DEBUXOS E ENTRE "3 ANOS A E B" ELABORAMOS UNHA NOVA PARTE DA PELÍCULA ONDE TRABALLABAN TODOS XUNTOS.

OS TRABALLOS DE TODAS AS AULAS EXPUXÉRONSE NA BIBLIOTECA E HOXE, 25 DE NOVEMBRO, FOMOS MIRALOS.

TAMÉN APROVEITAMOS PARA POÑERNOS UN LAZO MORADO A MODO DE PULSEIRA PARA RECORDAR ESTE DÍA.

                                 

                                

O OUTONO

 

COMEZAMOS A TRABALLAR O OUTONO XA HAI MÁIS DUN MES.

ANTÍO, A MASCOTA DO OUTONO, CHEGOU AO COLE E TODOS OS DÍAS SAUDÁMOLO AO ENTRAR.

A MAIOR SORPRESA FOI VER QUE DÍAS MÁIS TARDE APARECERON NAS NOSAS AULAS OS SEUS FILLIÑOS “ANTIÍÑOS” AOS QUE LLES GUSTA AGOCHARSE E SORPRENDERNOS TODOS OS DÍAS.

LEVAMOS UN TEMPO FALANDO DO QUE NOS PODEMOS ATOPAR POLO SOUTO, DOS FROITOS SECOS DO OUTONO, CANTIGAS, CONTOS, VOCABULARIO EN LSE, RULETA DAS CORES DO OUTONO, PINTAMOS CON TÉMPERA, CARACOIS EN PLASTILINA…

E…POR FIN CHEGOU O DÍA DO MAGOSTO.

FIXEMOS XOGOS MOI DIVERTIDOS: A CASTAÑA POR DETRÁS, XOGO DA RÁ PAPA CASTAÑAS, RELEVOS DE CASTAÑAS CON VASOS E BAILE CON AROS (ESTATUAS).

LOGO TODAS AS NENAS E NENOS DO COLE CANTAMOS A CANTIGA “OUTONO” DE UXÍA LAMBONA (LSE).

FINALMENTE COMEMOS AS CASTAÑAS ASADAS QUE FIXERON UNHAS FAMILIAS DO COLE E QUE ESTABAN BOÍSIMAS.

 

XA ESTAMOS ADAPTADOS!!!!

 

Comezamos este curso no cole de maiores o que foi un gran cambio, coñecendo as nosas mestras e os nosos novos compañeiros e compañeiras, ademáis de novos espazos, rutinas, cancións, xogos...

Superamos estos primeiros días e gustarianos ensinaros un pouco de como foi.

Contamos contos e cancións.

Aquí os deixamos O POLO PEPE para  que a compartades en familia