DESFILE DE ENTROIDO

DESPOIS DE APRAZAR DURANTE DÍAS O DESFILE DE ENTROIDO POR CULPA DO TEMPO, POR FIN CHEGOU O DÍA!!!

HOXE TODO O ALUMNADO DO COLE XUNTO AO PROFESORADO E FAMILIAS FESTEXAMOS O ENTROIDO. DESFILAMOS, BAILAMOS E QUEIMAMOS AO GALO.

AINDA QUE TIÑAMOS QUE BAILAR COMO NA PELÍCULA DE "GREASE" E ÍA VERNOS MOITA XENTE, NON ESTABAMOS NERVIOSAS NIN NERVIOSOS. ENSAIARAMOS MOITO E SABIAMOS QUE ÍA SAÍR XENIAL!!

TAMÉN QUEREMOS DAR AS GRAZAS ÁS FAMILIAS POLA SÚA COLABORACIÓN NOS DISFRACES.

FOI UN DÍA MOI DIVERTIDO!!!

ENTROIDO

A SEMANA DO ENTROIDO COMEZOU CUNHA SORPRESA.

DURANTE UNS DÍAS CANDO ENTRABAMOS NO COLE VIAMOS UNHA FIGURA TAPADA CUNHA TEA. MIRÁMOLA BEN E TODAS E TODOS DIXEMOS QUE AQUELLO ERA UN ESQUELETO (VÍMOSLLE OS PÉS DESCUBERTOS)

CANDO SE DESCUBRIU PUXÉMONOS MOI CONTENTAS E CONTENTOS PORQUE TIÑAMOS RAZÓN; ERA UN ESQUELETO!!!

CADA DÍA TIÑA UN MANDADO QUE NOS DICÍA O QUE DEBERIAMOS POÑERNOS AO DÍA SEGUINTE E ASÍ DURANTE TODA A SEMANA.

ERAN MANDADIÑOS ACUMULATIVOS: POÑER ALGO SIMPÁTICO NA CABEZA, A CARA PINTADA, UN ZAPATO DE CADA COR E UN PIXAMA.

FOI MOI DIVERTIDO!!!

DURANTE ESA SEMANA ENGORDAMOS AO GALO VILAVERDIÑO E PUXÉMOSLLE PLUMAS PARA QUE ESTIVESE BEN GUAPO.

TAMÉN PINTAMOS O COCHE DE “GREASE” PARA O DÍA DO DESFILE PERO … CANDO CHEGOU O DÍA, TIVEMOS QUE APRAZALO PORQUE A CHUVIA IMPEDIUNOS CELEBRALO; ASÍ QUE HOUBO QUE ESPERAR.

OBRADOIRO DE FAMILIAS

HOXE ACOMPAÑÁRONNOS DANIELA E PABLO,  NAI E PAI DE RODRIGO.

FIXERON UN OBRADOIRO DE ROBÓTICA RELACIONADA CO XADREZ.

APRENDEMOS QUE OS ROBOTS SE MOVEN ONDE QUEREMOS SE LLE DAMOS AS INSTRUCIÓNS CORRECTAS.

SEGUNDO A DIRECCIÓN Á QUE NECESITABAMOS QUE SE MOVESEN, TIÑAMOS QUE PULSAR UNHAS FRECHAS (ADIANTE, ATRÁS, DEREITA, ESQUERDA). 

FIXÉMOLO MOI BEN!!!

TAMÉN HABÍA OUTRO ROBOT QUE SE PROGRAMABA DESDE O ORDENADOR. INDICÁMOSLLE O TRAXECTO QUE TIÑA QUE PERCORRER E ... ATA LLE MANDAMOS EMITIR SONS E CORES.

OUTRA ACTIVIDADE CONSISTÍA EN BUSCAR DIFERENTES CAMIÑOS PARA CHEGAR Á MESMA CASIÑA (MOVÉNDONOS COMO UNHA TORRE)

FORON UNHAS ACTIVIDADES MOI INTERESANTES E ENCANTÁRONNOS OS AVIÓNS QUE NOS REGALARON.

MOITÍSIMAS GRAZAS POLA VOSA PARTICIPACIÓN!!!

ESTRATEXIA DA MALETA

ESTA ACTIVIDADE CONSISTÍA EN LEVAR A CLASE TRES OBXECTOS IMPORTANTES PARA CADA UNHA E CADA UN DE NÓS. 

COMEZARON AS MASCOTAS DE 4 ANOS LEVANDO TRES OBXECTOS PREFERIDOS AS SÚAS AULAS. DESPOIS TOCOULLE O TURNO ÁS PROFES.

LOGO FOI O MOMENTO DAS NENAS E NENOS QUE TIVERON QUE EXPLICAR POR QUE ERAN IMPORTANTES ESES OBXECTOS PARA ELAS E ELES.

CON ESTA ACTIVIDADE TRATOUSE DE FOMENTAR A LINGUAXE ORAL, A EXPRESIÓN DAS SÚAS EMOCIÓNS, A ESCOITA POR PARTE DAS DEMAIS COMPAÑEIRAS E COMPAÑEIROS, COMPARTIR CON ELAS E CON ELES OS SEUS GUSTOS FAVORECENDO A AUTOESTIMA E O RESPETO...

NON LLES CHEGABA O MOMENTO DE QUE LLES TOCASE A QUENDA A ELAS E ELES. ESTABAN MOI EMOCIONADAS E EMOCIONADOS!!!

ROSALÍA DE CASTRO

HOXE, 23 DE FEBREIRO, RECORDAMOS A ROSALÍA DE CASTRO COINCIDINDO CO 189 ANIVERSARIO DO SEU NACEMENTO.

SUBIMOS AO NOSO RECUNCHO DO COLE "DÁLLE Ó GALEGO" PARA FALAR DA SÚA VIDA. ALÍ CON AXUDA DUNHA TABLETA LEMOS CÓDIGOS "QR", GRAZAS AOS CALES PUIDEMOS ESCOITAR ALGÚN DOS SEUS POEMAS CANTADOS.

ESTIVEMOS MOI ATENTAS E ATENTOS!!

SAÍMOS AO SUPERMERCADO

HOXE FOMOS AO SUPERMERCADO "GADIS" PARA SEGUIR TRABALLANDO A ALIMENTACIÓN SAUDABLE.

VISITAMOS AS SECCIÓNS DE FROITAS, VERDURAS E HORTALIZAS, LÁCTEOS, FROITOS SECOS E LEGUMES, PANADERÍA, BEBIDAS...

FOI MOI INTERESANTE!

AO ACABAR REGALÁRONNOS UNHA MERENDA SAUDABLE (PLÁTANO E UNHA BOTELLA DE AUGA) E UN PRATO QUE NOS INDICA AS PORCIÓNS QUE DEBEMOS COMER DE CARNE E PEIXE, LEGUMES, FROITAS...

AGORA EN CASA PODEMOS USAR ESE PRATO PARA TER EN CONTA AS CANTIDADES DE ALIMENTOS QUE DEBEMOS CONSUMIR DIARIAMENTE.

OBRADOIRO DE FAMILIAS

HOXE NOELIA, A NAI DE ANA CASTRO, VEU A LERNOS O CONTO "EL MONSTRUO DE COLORES". UN CONTO MOI CHULO DESPREGABLE!!

LOGO TRÓUXONOS UN TRABALLIÑO QUE TIÑAMOS QUE COLOREAR TENDO EN CONTA  A EMOCIÓN QUE REPRESENTABA CADA MONSTRO. FIXÉMOLO MOI BEN!!

TAMÉN REGALOUNOS UN DEBUXO PARA COLOREAR EN CASA.

MOITAS GRAZAS NOELIA!!!